Ушбу мавсум "Милан"да ижарада бўлган "Манчестер Юнайтед" ҳимоячиси Диeго Далот келишув муддати тугагандан сўнг, Англияга қайтади, дейди журналист Николо Шкира.
Италияликлар 22 ёшли футболчини жамоада сақлаб қолишни исташади, бироқ клуб МЮнинг молиявий эҳтиёжларини қондира олмайди.
"Манчестер Юнайтед" Далот учун камида 20 миллион евро олмоқчи. Ҳозирда бу маблағ "Милан" учун қулай эмас, чунки клубнинг трансфер бозорида устувор вазифалари бор.
2020/2021 йилги мавсумда ҳимоячи "россонерилар" сафида барча турнирларда 24 ўйин ўтказиб, 2 гол ва 2 голли узатмага муаллифлик қилган.
