Португалия терма жамоаси ҳужумчиси Криштиану Роналду томонидан Сербияга қарши ўйинда отиб юборилган сардорлик боғичи хайрия аукционида сотиладиган бўлди.
"Tuttomercatoweb" тарқатган хабарга кўра, португалиялик футболчи отиб юборган боғични стадион ходимларидан бири олган. У эса сардорлик боғичини "Limundo" портали орқали аукционда сотишга қарор қилди.
Савдодан тушган пул 6 ёшли бемор бола Гаврило Журжевични даволаш учун сарфланади. Ҳозирда боғичнинг аукциондаги нархи 3 минг евродан ошди.