Portugaliya terma jamoasi hujumchisi Krishtianu Ronaldu tomonidan Serbiyaga qarshi o‘yinda otib yuborilgan sardorlik bog‘ichi xayriya auksionida sotiladigan bo‘ldi.
"Tuttomercatoweb" tarqatgan xabarga ko‘ra, portugaliyalik futbolchi otib yuborgan bog‘ichni stadion xodimlaridan biri olgan. U esa sardorlik bog‘ichini "Limundo" portali orqali auksionda sotishga qaror qildi.
Savdodan tushgan pul 6 yoshli bemor bola Gavrilo Jurjevichni davolash uchun sarflanadi. Hozirda bog‘ichning auksiondagi narxi 3 ming yevrodan oshdi.