Суперлига 5 туридан ўрин олган баҳсда "Бунёдкор" - "Сўғдиёна" билан 2:2 ҳисобидаги жанговар дурангга имзо чекди. Учрашувдан сўнг, мезбонлар бош мураббийи Шуҳрат Мақсудов фикр билдирди.

Ўйиннинг қийин ўтиши олдиндан маълум эди. Чунки, «Сўғдиёна» барқарорлик намойиш этмоқда.
Биринчи бўлимда кутганимиздик ўйин намойиш эта олмадик. Футболчилар фаол ҳаракат қилишган бўлсада, ўйинимиз қовушмади.

Иккинчи таймда эса, барчаси бизнинг назоратимизда бўлди.
Мавсум аввалида 6 та асосий футболчимиз жамоани тарк этди. Шу сабаб уларнинг ўрнини тўлдириш қийин бўлмоқда.

Аммо, барчаси аста-секин изига тушиб кетади деб ўйлайман. Жамоамизга ҳозирда ҳомийлик масаласида яхши ёрдам бўлмоқда. Давралар оралиғида кадрлар борасидаги ҳолатни яхшилашга ҳаракат қиламиз.

Дарвозабонда бир нечта хатолар бўлаётгани кўриниб турибди. Футболда ҳамма нарса бўлиши мумкин. Бу борада ҳам ишлаяпмиз.

Норхонов бош билан яхши ўйнашини билсакда, уни бироз эътибордан қочирганимиз сабаб гол ўтказиб юбордик», - деди «қалдирғочлар» устози Шуҳрат Мақсудов.