“Анжи”нинг янги бош мураббийи Юрий Красножан жамоанинг баъзи позициялари янги футболчиларга мухтож эканини билдириб ўтди.

-Хусусан, марказий ҳимоячи позициясини тўлдиришимиз керак, - деди “Локомотив”нинг собиқ мураббийи Юрий Красножан “Спорт Экспресс”га берган интервьюсида, - бундан ташқари, таянч ярим ҳимояси сотиб олсак яхши бўларди. Аҳмедов ва Жусилей мени қониқтиради. Ҳатто йиғинларни уларнинг янада яхши томонларини кашф этмоқдаман. Лекин улар икки холос. Таркибда турли ўзгаришларни баъзила амалга ошириш учун уларнинг ўрнини босадиган футболчилар зарур.

Ҳозирда, Дубайдаги йиғинда Красножан ихтиёрида 25 нафар футболчи шуҳулланмоқда. Мураббийнинг сўзларига кўра, йиғинларда ўзини кўрсата олмаган ёшлар трансферга қўйилмайди, ижарага берилади.