«Рома» ҳимоячиси Алессандро Флоренци хизматларига «Интер» қизиқиш билдирмоқда.
Бу ҳақда Италия матбуоти хабар беради. Айни дам футболчи ПСЖда ижара асосида ўйнаётганлигидан хабарингиз бор. Олдинроқ парижликлар Флоренци трансферини тўлиқ сотиб олмоқчи эканликлари ҳақида хабар берган эдилар.
«Интер» ПСЖнинг таклифини бузиб қўйишга ва футболчини нима қилиб бўлса ҳам ўз клубига жалб этишга уриниб кўради. Чунки Алессандрони шахсан Контенинг ўзи таклиф этяпти.
Transfermarkt Флоренцини 15 миллион эврога баҳоламоқда. Жорий мавсум футболчи 29 учрашув ўтказиб, иккита гол уриш мобайнида битта голли пас ҳам берган.
