«Атлетик» бош мураббийи Марселиньо Гарсия Торал Испания кубоги финалида «Барселона»дан учралган мағлубиятдан (0:4) кейин ўз фикрларини билдириб ўтди.

«Ушбу жамоада иш бошлаганимдан бери биринчи марта 13 дақиқа ичида тўрт гол ўтказиб юбордик. «Барса» сенга гол уриши мумкин, аммо бундай вақт оралиғида эмас. Агар улар шу ишни уддалашган бўлишса, демак ёмонроқ ўйнаганимизни тушунишимиз керак. «Барса» биздан устун келди, сабаби улар яққол яхши ўйин кўрсатишди, биз керакли савияда ўйнамадик», — деди «Атлетик» мураббийи.