«Atletik» bosh murabbiyi Marselinyo Garsiya Toral Ispaniya kubogi finalida «Barselona»dan uchralgan mag‘lubiyatdan (0:4) keyin o‘z fikrlarini bildirib o‘tdi.
«Ushbu jamoada ish boshlaganimdan beri birinchi marta 13 daqiqa ichida to‘rt gol o‘tkazib yubordik. «Barsa» senga gol urishi mumkin, ammo bunday vaqt oralig‘ida emas. Agar ular shu ishni uddalashgan bo‘lishsa, demak yomonroq o‘ynaganimizni tushunishimiz kerak. «Barsa» bizdan ustun keldi, sababi ular yaqqol yaxshi o‘yin ko‘rsatishdi, biz kerakli saviyada o‘ynamadik», — dedi «Atletik» murabbiyi.
