“Бунёдкор”нинг Дубайдаги ҳар иккала учрашувида ҳам Шавкат Саломов фаоллиги билан ажралиб турди. Шавкатнинг Дубайдаги йиғин, ўтган учрашув ва “Вольфсбург” дарвозасига киритган голи ҳақидаги фикрлари билан қизиқдик.

- Ҳар куни икки маҳалда машғулот олиб боряпмиз. Одатда, мавсумолди ўқув-машғулот йиғинлари осон бўлмайди. Балки ҳозирги машғулотлар кейинчалик йил давомида бизга ёрдам беради. Ўз таркибида маҳорат эгаларини жамлаган кучли рақибларга қарши майдонга тушдик. Бундай учрашувлар бизга катта тажриба беради ва бу келажакда ўйинимиз янада яхшироқ чиқиши учун фойдали. “Вольфсбург” дарвозасига киритган голимда ўзимнинг хизматимдан кўра, бутун жамоадошларимнинг ёрдамлари кўпроқ бўлди. Мавсумолди ўйинларидаги натижалар муҳим эмас, энг асосийси – мавсумга муносиб ҳозирлик кўриш, Чемпионлар лигасидаги кучли рақибларни ер тишлатадиган даражада тайёрланиш. Ҳозир яхши шуғулланиб, кейинчалик мухлисларимизни қувонтиришга ҳаракат қиламиз, - деди Шавкат Саломов.