«Атлетико» ҳужумчиси Луис Суарес жароҳатидан тўлиқ фориғ бўлди ва умумий гуруҳда бутун жамоа билан машғулотларни бошлади.

Эслатиб ўтамиз, 34 ёшли ҳужумчи 13 апрель кунги машғулотларда жароҳат олган эди. Шу сабабли у Ла Лига доирасидаги «Эйбар»га қарши (5:0) ўйинида жамоасига ёрдам бера олмади.

Шундай бўлсада, Суарес эртага, 22 апрел куни бўлиб ўтадиган «Уэска»га қарши навбатдаги ўйинда майдонга туша оладими ёки йўқми, ҳозирча маълум эмас.

Қайд этиш мумкин, уругвайлик футболчи жорий мавсум, Испания чемпионатида 26 учрашувда майдонга тушиб, 19 гол ва 2 голли пас қайд этган.