«Верона» ва Италия терма жамоаси дарвозабони Марко Силвестри бу йил ёзда жамоасини ўзгартириши мумкин.
Миланнинг «Интер» клуби эса футболчининг хизматларига қизиқиш билдирмоқда. Жамоа раҳбарияти кейинги трансфер ойнасида 30 ёшли дарвозабонни сотиб олиши мумкин. Аммо, «неррадзури»дан ташқари, дарвозабонни «Рома» ва «Лацио» ҳам нишонга олган.
2020/2021 йилги мавсумда Силвестри Италия чемпионатининг 32 учрашувида майдонга тушиб, 40 гол ўтказиб юборган. 7 ўйинда эса ўз дарвозаси даҳлсизлигини сақлаган.
Италиялик футболчининг «Верона» билан амалдаги шартномаси 2022 йил 30 июньгача амал қилади.
