"Лос-Анжелес Гелэкси" ярим ҳимоячиси Девид Бекҳэм англия премьер-лигасининг бир нечта жамоаларидан яхши ва қулай таклифлар бўлганига қарамай, Лос Анжелесда қолишга ихтиёр этганини айтиб ўтди. Шунингдек, профессионал фаолиятини якунлаши ҳақида ҳозир умуман ўйламаётганини ҳам таъкидлади.
"Менга Англиядан бир нечта яхши таклифлар бўлганини агентимдан эшитдим. Бироз иккиланишлардан сўнг АҚШда қолишни афзал билдим. Бу қароримдан афсусланмайман. Бу ерда мен ўз оилам билан бахтли ҳаёт кечирмоқдаман. Энг асосийси шу. Балки Англияга кейинроқ қайтишнинг иложи бўлиб қолар. Ҳозирча бу ерда яна бир икки йил тўп сурмоқчиман", - дея Spice Boy интервюсидан парча келтирмоқда Sky Sports.
