Харри Реднапп «Тоттенхем» ҳужумчиси Харри Кейн ҳақида гапирди. Унинг сўзларига кўра, Кейн топ-клублар учун чемпионликни таъминлай оладиган футболчилар сирасига киради.
«Менимча, у жамоасида қолади. Назаримда, янги менежер келиб, уни мавсум оралиғида жамоа кучайишига ишонтиради. Ҳозирда ундан яхшироқ футболчи йўқ. Шахсан мен уни дунёдаги бирор бир марказий ҳужумчи билан алмаштирмасдим.
У, албатта, «Манчестер Сити», «Манчестер Юнайтед» ёки «Ливерпул»га чемпионликни тақдим этиши мумкин. Бироқ назаримда «Тоттенхем» уни ушлаб туриши керак», - дейди Реднапп.
