«Реал» бош мураббийи Зинедин Зидан Чемпионлар лигаси яримфинали доирасидаги «Челси»га қарши ўйин олдидан матбуот анжуманида иштирок этди.

«Бу учрашув мавсумдаги энг қийин ўйин бўлади. Чемпионлар лигаси ўзига хос мусобақа, аммо биз бу турнирда кўп муҳим ўйинларни ўтказдик. Яримфиналда ҳеч кимга осон бўлмайди. Биз эҳтиёткор бўлишимиз, ҳимояда ҳам яхши ишлаб, вазиятлар яратишга ҳаракат қиламиз.

«Челси» яримфиналга қадар етиб келиш учун катта ҳажмдаги ишни бажарди. Бундай фикрни «Реал» ҳақида ҳам айтишим мумкин. Мавсум якунигача бир ой вақт қолди. Шу боис бир йиллик меҳнатимиз ҳақи ҳам ҳар қандай ҳолатга қарамай, мавсумнинг энг муҳим палласида охиригача курашамиз. 

Албатта, таркиб борасида муаммоларимиз етарли, аммо рақибларимизда ҳам бу борада ҳаммаси жойида деб бўлмайди. «Реал» қолган барча ўйинда бор куч ва имкониятини сарфлайди», - дея мадридликларнинг франциялик мураббийи фикрини келтирмоқда УЕФА расмий сайти.

Маълумот учун, «Реал» - «Челси» ўртасидаги яримфиналнинг дастлабки ўйини 27 апрель, сешанба куни Мадридда, жавоб учрашуви эса 5 май куни Лондонда ўтказилади.