«Real» bosh murabbiyi Zinedin Zidan Chempionlar ligasi yarimfinali doirasidagi «Chelsi»ga qarshi o‘yin oldidan matbuot anjumanida ishtirok etdi.

«Bu uchrashuv mavsumdagi eng qiyin o‘yin bo‘ladi. Chempionlar ligasi o‘ziga xos musobaqa, ammo biz bu turnirda ko‘p muhim o‘yinlarni o‘tkazdik. Yarimfinalda hech kimga oson bo‘lmaydi. Biz ehtiyotkor bo‘lishimiz, himoyada ham yaxshi ishlab, vaziyatlar yaratishga harakat qilamiz.

«Chelsi» yarimfinalga qadar yetib kelish uchun katta hajmdagi ishni bajardi. Bunday fikrni «Real» haqida ham aytishim mumkin. Mavsum yakunigacha bir oy vaqt qoldi. Shu bois bir yillik mehnatimiz haqi ham har qanday holatga qaramay, mavsumning eng muhim pallasida oxirigacha kurashamiz. 

Albatta, tarkib borasida muammolarimiz yetarli, ammo raqiblarimizda ham bu borada hammasi joyida deb bo‘lmaydi. «Real» qolgan barcha o‘yinda bor kuch va imkoniyatini sarflaydi», - deya madridliklarning fransiyalik murabbiyi fikrini keltirmoqda UYEFA rasmiy sayti.

Ma’lumot uchun, «Real» - «Chelsi» o‘rtasidagi yarimfinalning dastlabki o‘yini 27 aprel, seshanba kuni Madridda, javob uchrashuvi esa 5 may kuni Londonda o‘tkaziladi.