«ПСЖ» бош мураббийи Маурисио Почеттино Чемпионлар лигаси яримфинали доирасида ўтадиган «Манчестер Сити»га қарши ўйин ҳақида гапириб, 2019 йилги ўзаро учрашувни ёдга олди.

«Икки йил аввал «Тоттенхэм» бош мураббийи сифатида «Сити»ни яримфиналда мағлуб этганимиз ҳеч нарсани ўзгартирмайди. Ўша ўйинлар умуман бошқача ўтганди. Икки хил вазиятда бўлган жамоалар баҳси эди. Ҳозирги «Сити» анча ўзгарган, мен эса «ПСЖ»да ишлаяпман. Ҳозирги жамоам «Тоттенхэм»дан мутлақо фарқ қилади.

Жаҳоннинг энг яхши мураббийи қўл остидаги энг яхши жамоадан бирига қарши майдонга тушамиз. Кўрамиз, қани бизга «Бавария»га қарши ўйиндан ҳам қийинроқ бўлармикан. Менимча, англияликлар немис  клубига қараганда жиддий рақиб», - дейди аргентиналик мутахассис матбуот анжуманида.

Маълумот учун, «ПСЖ» -  «Манчестер Сити» учрашуви бугун, 28 апрель чоршанба оқшомида соат 23:59да бошланади.