«PSJ» bosh murabbiyi Maurisio Pochettino Chempionlar ligasi yarimfinali doirasida o‘tadigan «Manchester Siti»ga qarshi o‘yin haqida gapirib, 2019 yilgi o‘zaro uchrashuvni yodga oldi.

«Ikki yil avval «Tottenxem» bosh murabbiyi sifatida «Siti»ni yarimfinalda mag‘lub etganimiz hech narsani o‘zgartirmaydi. O‘sha o‘yinlar umuman boshqacha o‘tgandi. Ikki xil vaziyatda bo‘lgan jamoalar bahsi edi. Hozirgi «Siti» ancha o‘zgargan, men esa «PSJ»da ishlayapman. Hozirgi jamoam «Tottenxem»dan mutlaqo farq qiladi.

Jahonning eng yaxshi murabbiyi qo‘l ostidagi eng yaxshi jamoadan biriga qarshi maydonga tushamiz. Ko‘ramiz, qani bizga «Bavariya»ga qarshi o‘yindan ham qiyinroq bo‘larmikan. Menimcha, angliyaliklar nemis  klubiga qaraganda jiddiy raqib», - deydi argentinalik mutaxassis matbuot anjumanida.

Ma’lumot uchun, «PSJ» -  «Manchester Siti» uchrashuvi bugun, 28 aprel chorshanba oqshomida soat 23:59da boshlanadi.