Миланнинг "Интер" клуби бош мураббийи Клаудио Раньери клуб расмий сайтига берган интервьюсида, ўз жамоасининг мавсумдаги мақсад ва вазифалари ҳақида гапириб ўтди.
"Бизнинг асосий мақсадамиз чемпионлар лигасига йўлланма берувчи ўринлардан бирини қўлга киритиш. Тушунарлироқ қилиб айтганда кучли тўртликдан ўрин олиш. Ҳозирча минимум вазифани бажардик. Турнир жадвалидаги ўрнимизни яхшилаб олиш учун эса, асосий рақибларимиз билан ўйинда максимал натижага эришишимиз шарт. "Милан"ни мағлуб этдик, аммо вазифа биргина бу билан ўзгармайди. Бугун бизни яна бир аҳамиятли учрашув кутиб турибди. "Лацио" билан ўйинда ҳам ҳалаба қозонишни истаймиз.
Скудетто? Ҳозир бу ҳақда гапиришга ҳали эрта. Мавсум бошида жуда кўп очко йўқотдик. Шунинг учун, ҳозир ўша йўқотилган очколарни қайтариб олиш учун асосий рақибларимиз билан ўйинларда иложи борича ижобий натижа кўрсата олишимиз керак. Қайтартиб айтаман, "Ювентус" ва "Милан" Скудетто учун асосий даъвогар бўлиб қолади. Бизнинг вазифамиз кучли тўртликдан ўрин олиш", - дейди "Интер" устози "Нерадзурри"лар расмий сайтига берган интервьюсида.