«Барcелона» мавсум охирида эркин агентга айланадиган «Манчестер Сити» ҳимоячиси Эрик Гарсияни сотиб олишга яқин турибди.
Олдинроқ «шаҳарликлар» бош мураббийи Хосеп Гвардиола 20 ёшли футболчига қойил қолсада, уну жамоада ушлаб тура олмаслигини тан олган эди.
Гарсиянинг агенти Иван де ла Пенья йил бошидан буён каталонияликлар билан музокаралар олиб бормоқда ва бу музокаралар шу ойда муваффақиятли якун топиши кутилмоқда.
Клубдаги қийин молиявий вазият туфайли «Барселона» эркин агентларга кўпроқ эътибор қаратмоқда.
Маълумот учун, трансфер қиймати 20 миллион еврога баҳоланаётган Гарсия ушбу мавсум Манчестер жамоаси билан бирга 10 учрашувда майдонга тушган.
