«Тоттенхем»нинг собиқ бош мураббийи Жозе Моуриньо ўз вақтида «нерадзурри» билан катта муваффақиятга эришганига қарамай, Италияга қайтиб, «Интер»га рақиб бўлган клубни бошқаришга тайёрлигини айтди.

«Клубни тарк этар эканман, у ҳақида фақат яхши нарсаларни айтаман. Мен қора ва ёқимсиз нарсаларни чуқур ўрганадиганлардан эмасман. Аксинча, ҳар доим ижобий томонга интиламан. «Интер»? Мен ушбу клуб билан ҳамма нарсани ютдим, унга меҳрим бўлакча.

Аммо бир кун келиб, менга «Интер»га рақиб бўлган клубга мураббийлик қилиш таклиф қилинса, у ҳолда мен буни ортиқча ўйлаб ўтирмай қабул қиламан. Чунки, менинг ўз ишимга профессионал қарашим бор", - дейди португалиялик мутахассис.