“Ростов” ҳимоячиси Ўзбекистон олимпиячилари билан бўлган ўйин хулосалари билан ўртоқлашди.

- Сўнгги ҳафтадаги биз катта жисмоний зўриқишлар олдик, шунинг учун ўтказаётган ўйинларимизда чарчоқнинг аломатлари яққол билиняпти. Бугунги баҳсда омадимиз келмади, лекин бу натижа бутунлай тушкунликка тушишга асос бўла олмайди. Энг муҳими - юқори жисмоний тайёргарликка эга бўлиш ва чемпионат ўйинларига жанговор ҳолатда киришиш. 

- Лекин, барибир финалда “Зенит” билан ўйнамаслик хафа қилдими?
- Албатта. Бунинг устига, “Зенит” ҳозир аввалгидай жиддий ва ўйини кескин фарқ қиладиган формада эмас. Ҳар қанақасига ачинарли.

- Нима бўлганда ҳам, собиқ жамоангизга қарши ўйинда ўзингизни кўрсатиш мақсадингиз бормиди?
- Ҳозир мухлисларимизни хурсанд қила оладиган даражага чиқиб улгурмадик (кулади). Лекин ўйин принципиал аҳамиятга эга бўларди ва қизиқарли кечган бўларди.

- Бундай турнирларнинг фойдаси борми?
- Нима бўлганда ҳам йиғинларда спарринг-рақиблар керак. Майли, ўртоқлик турнири миқёсида бўлса ҳам.

- Бугунги ўйинда ғалаба қозониш учун нима етишмади?
-  Менимча,вазиятларни охирига етказиш учун катта куч етишмади. Кўрган бўлсангиз бизда биринчи бўлимда ҳам, иккинчи бўлимда ҳам жуда кўплаб вазиятлар бўлди, лекин ҳеч бўлмаса биргина гол ура олмадик.