Маrca «Реал» футболчилари Марсело ва Федерико Вальверденинг «Челси»га қарши Чемпионлар Лигасининг иккинчи ярим финал ўйинида иштирок этиш имкониятини эълон қилди.
Манбанинг хабарига кўра, бразилиялик ҳимоячи Мадрид ассамблеяси сайловида кузатувчи сифатида қатнашганига қарамай ўйинда иштирок эта олади.
Уругвайлик ярим ҳимоячининг эса, майдонга тушиши ҳали ҳам сўроқ остида. Футболчининг коронавирус текшируви шубҳали натижани кўрсатган, шунинг учун у ҳанузгача карантинда.
Эслатиб ўтамиз, «Челси» - «Реал» ўртасидаги ЕЧЛ ярим финалининг жавоб учрашуви 5 май, чоршанба куни Лондонда бўлиб ўтади.
