«Челси» ҳужумчиси Тимо Вернер «Реал»га қарши Чемпионлар лигаси ярим финал жавоб учрашувидан сўнг (2:0) фикр билдирди.

«Биз бугун уддалагсн нарса бу–ақл бовар қилмас. Биз тўпга кўп ҳам эгалик қилмадик, бироқ ўйин назоратини ўз қўлимизга олдик.

Бизда ёш жамоа бор, лекин оддий хатоларга йўл қўядиган даражада ғўр эмас. Биз бугун жуда яхши даражада эдик. Ўйин интригасини олдинроқ ўлдиришимиз мумкин эди, аммо ҳар бир позициясида жаҳон даражасидаги ўйинчилари бўлган «Реал»га қарши ўйнаш осон эмас.

Биламан, мураббийлар ўйинлар арафасида ўз футболчиларини меҳмонхоналарга йиғишни маъқул кўришади. Шу тарзда улар қўл-остидагиларни диққат билан кузатиш имкониятига эга бўладилар. Биз футболчилар учун яхшиси эса уйда, оиламиз билан бўлишдир.

Мураббий бизга уйда қолишимизга имкон бергани жуда яхши бўлди. Чунки, бу тажриба сўнгги ўйинларда иш берди ва бу сафар ҳам ижобий натижа кўрсатди», - дейди Вернер.