«Ливерпуль» бош мураббийи Юрген Клоппнинг агенти Марк Косицке немис мутахассиси Мерсисайд клуби билан ишлашни давом эттирадими ёки йўқми деган саволга жавоб берди.
“Албатта! Ҳеч қандай музокаралар бўлмаган», - дея Косицкенинг сўзларини келтиради Sky Sports Germany.
Клоппнинг шартномасида агар Юргенни бошқа клуб таклиф қилмоқчи бўлса, мураббий учун тўланиши керак бўлган миқдор кўрсатилганми, деган саволга агент жавоб бермади.
Клопп «Ливерпуль» сафида 2015 йилдан бери ишлайди. Инглиз жамоаси билан у бугунгача, Премьер-лига, Чемпионлар Лигаси, УЕФА Суперкубоги ва клублар ўртасидаги Жаҳон кубогини қўлга киритди.
Маълумот учун, «Ливерпуль» жорий мавсум, 33 учрашувдан сўнг, 54 очко тўплаган ҳолда, турнир жадвалида еттинчи ўринда бормоқда.
