«Манчестер Юнайтед» ва «Рома» Европа Лигаси ярим финал босқичининг икки учрашувида жами 13та гол уришди.
Эслатиб ўтамиз, жамоалар сафар ва уй учрашивида биттадан зафар қучишди: «қизил иблислар» 6:2, «бўрилар» эса 3:2 ҳисобида ғалаба қозонишди.
Opta нашрининг ёзишича, «Манчестер Юнайтед» ва «Рома» УЕФА клублари тарихидаги иккинчи энг кўп гол урган ярим финал ўйини ўтказишган.
Бу борадаги рекорд эса «Айнтрахт Франкфурт» ва «Рейнжерс» ўртасидаги 1960 йилдаги Европа кубоги 1/2 финалидаги тўқнашувга тегишли. Ўшанда икки баҳс натижасига кўра дарвозаларга жами 16 та гол урилган.
