Мадриднинг "Реал" клуби бош мураббийи Жозе Моуриньо Испания Премьеросининг 19-турида "Атлетик" клубига қарши ўйинни бамайлиҳотир кузатиб борди.
Одатда Моуриньо бу каби хотиржам бўлмайди. Шу сабабли маҳаллий испан журналистлари бу борада Моуриньодан интервью олишга қарор қилишди.
- Нега "Атлетик"ка қарши ўйинда бирор марта бўлсин ўрнингиздан турмадингиз?
- Чунки жамоа яхши ўйнади. Бундай пайтда менинг нима керагим бор? Мен мағлубият аламини тортаётган пайтда керак бўлиб қоламан. Бундай пайтларда мени матбуот-анжуманида сабрсизлик билан кутишади. Мен албатта бормаман. Қачонки ғалаба қозонсак, матбуот-анмужанига кирмасликка ҳаракат қиламан. Ғалабани бошқаларга ҳадя қиламан.
- 25 январь куни "Барселона"га қарши Испания Кубоги чорак финалининг жавоб ўйини бўлиб ўтди. "Реал"нинг Кубокдан чиқиб кетиши футболчиларга салбий таъсир кўрсатадими?
- Ҳақиқий стресс ҳолатини биз эмас, масалан Оскар Рибот бошидан ўтказмоқда. (Оскар Рибот — клуб матбуот бўлими бошлиғи. "Барса" билан дастлабки ўйин олдидан унинг отаси вафот этганди). Мен Премьерода энг яхши бўлиб турибман. Чунки менинг жамоам энг яқин таъқибчисини 5 очко фарқ билан ортда қолдирмоқда. Қолаверса ЕЧЛ гуруҳ босқичини жуда яхши якунладик. Агар "Реал" Кубокдан чиқиб кетса ҳам бу бизнинг йўқотишимиз эмас, балки "Барселона" учун оламшумул воқеълик бўлади холос", - дея фикрини якунлади Моуриньо.
