"Барселона" бош мураббийи Роналд Куман Каталония клубидаги келажаги ҳақида гапирди.
"Барселона" президенти менга биринчи кунданоқ ишонч билдирди. Келажагимдан хавотирда эмасман. Шартномам ҳанузгача бир йил давомида амал қилади, шу сабабли келаси мавсумда ўзимни "Барселона" бош мураббийи позициясида кўраман. Шартнома тугагач, биз Президент билан суҳбатлашамиз. Аммо ҳозир энг муҳими - мавсум тугаши. Истеъфо ҳақидаги гаплар барча мураббийлар атрофида пайдо бўлади. ОАВ нима ёзаётганини назорат қила олмайман", - дейди Куман.
Куман бошчилигида "Барселона" Испания Кубогини ютди, аммо Чемпионлар Лигасининг 1/8 финалидан чиқиб кетди. Испания чемпионатида Каталония клуби мавсум тугашига уч тур қолганида учинчи ўринни эгаллаб турибди.
