"Қизилқум" бош мураббийи Ҳамиджон Актамов "Турон"га қарши бўлиб ўтган ўйин (1:0) борасида ўз фикрини билдириб ўтди.

— Авваламбор барчани бугунги улуғ айём билан, рамазон ҳайитлари билан табриклайман!. Қолаверса, мана шундай улуғ кунда мухлисларимизни қувонтирганимиздан хурсандмиз. Ўйин жуда қизиқарли бўлди. Бугун анчадан бери бўлмаган иш, яъни мухлислар тўла стадионда футбол ўйнамаётган эдик ва мана шунга эришдик. «Турон» жамоаси ҳам ўз мухлислари қаршисида ажойиб ўйин кўрсатди. Юқори темплик учрашув бўлди. Битта сўз билан айтганда ягона гол ҳал қиладиган, муросасиз ўйин бўлди.

Биринчи бўлим ҳақида гапирсам, жамоам ушбу бўлимда кўплаб имкониятлар яратди. Лекин охирги зарба йўқ. Аммо иккинчи бўлимда, жамоамиз вакиллари ўйинни қўлга олишди ва керакли натижага эришдик.

Тўғри, бугун ғалабага эришдик. Аммо бу «Турон»нинг мағлубияти эмас. Сабаби ушбу мавсумда мен биринчи марта бундай мухлислар тўлиб тошган стадионда футбол учрашуви бўлаётганини кўрдим. Бу ажойиб...

Суперлигада биринчи марта қатнашаётган жамоанинг бундай шароитлар билан таъминланиши, барча «Турон» жамаосининг ҳомийларига ўз миннатдорчилигимни билдираман. Биринчи мавсумдан бундай шароитлар яратиб берилиши шунчаки зўр!

— «Қизилқум» жамоасини қачон халқаро майдонларда кўрамиз?
— Албатта мана шу йил,  шу нарсани олдимизга мақсад қилганмиз. Ҳали мусобақа олдинда, менимча керакли натижага эришамиз.

— Бугунги «Турон» жамоаси, сизнингча, қачон ғалабага эришади, деб ўйлайсиз?
— Албатта бу футбол, биз ҳам мана нечта дурангдан кейин ғалабага эришмоқдамиз. Ҳали ҳаммаси олдинда. Ғалабалар ва ютуқларга эришишига ишонаман бу жамоани, сабаби барча имкониятлар бор. Ҳа айтганча жамоанинг стадион ҳолати юқори даражада эканлигини ҳам айтиш керак...