"Qizilqum" bosh murabbiyi Hamidjon Aktamov "Turon"ga qarshi bo‘lib o‘tgan o‘yin (1:0) borasida o‘z fikrini bildirib o‘tdi.

— Avvalambor barchani bugungi ulug‘ ayyom bilan, ramazon hayitlari bilan tabriklayman!. Qolaversa, mana shunday ulug‘ kunda muxlislarimizni quvontirganimizdan xursandmiz. O‘yin juda qiziqarli bo‘ldi. Bugun anchadan beri bo‘lmagan ish, ya’ni muxlislar to‘la stadionda futbol o‘ynamayotgan edik va mana shunga erishdik. «Turon» jamoasi ham o‘z muxlislari qarshisida ajoyib o‘yin ko‘rsatdi. Yuqori templik uchrashuv bo‘ldi. Bitta so‘z bilan aytganda yagona gol hal qiladigan, murosasiz o‘yin bo‘ldi.

Birinchi bo‘lim haqida gapirsam, jamoam ushbu bo‘limda ko‘plab imkoniyatlar yaratdi. Lekin oxirgi zarba yo‘q. Ammo ikkinchi bo‘limda, jamoamiz vakillari o‘yinni qo‘lga olishdi va kerakli natijaga erishdik.

To‘g‘ri, bugun g‘alabaga erishdik. Ammo bu «Turon»ning mag‘lubiyati emas. Sababi ushbu mavsumda men birinchi marta bunday muxlislar to‘lib toshgan stadionda futbol uchrashuvi bo‘layotganini ko‘rdim. Bu ajoyib...

Superligada birinchi marta qatnashayotgan jamoaning bunday sharoitlar bilan ta’minlanishi, barcha «Turon» jamaosining homiylariga o‘z minnatdorchiligimni bildiraman. Birinchi mavsumdan bunday sharoitlar yaratib berilishi shunchaki zo‘r!

— «Qizilqum» jamoasini qachon xalqaro maydonlarda ko‘ramiz?
— Albatta mana shu yil,  shu narsani oldimizga maqsad qilganmiz. Hali musobaqa oldinda, menimcha kerakli natijaga erishamiz.

— Bugungi «Turon» jamoasi, sizningcha, qachon g‘alabaga erishadi, deb o‘ylaysiz?
— Albatta bu futbol, biz ham mana nechta durangdan keyin g‘alabaga erishmoqdamiz. Hali hammasi oldinda. G‘alabalar va yutuqlarga erishishiga ishonaman bu jamoani, sababi barcha imkoniyatlar bor. Ha aytgancha jamoaning stadion holati yuqori darajada ekanligini ham aytish kerak...