Германия терма жамоасининг собиқ тўпурари Мирослав Клозе «Фортуна Дюсселдорф» бош мураббийлигига номзод сифатида кўриб чиқилмоқда. Бу ҳақда Express.de хабар беради.

Эътиборлиси, «Фортуна» этакчиларидан бири Клаус Аллофс Клозени жуда яхши билади. Улар «Вердер»да бирга ишлашган.

Май ойининг бошида Миро Клозе катталар футболида мустақил мураббийлик фаолиятини бошлашга имкон берадиган «А» тоифали лицензияни олди.

Ҳозирда «Фортуна Дюсселдорф» мамлакат иккинчи дивизионида ўйнамоқда. Мавсум тугашига бир тур қолганида, жамоа жадвалда 4-ўринни эгаллаб турибди.