«Барселона»нинг қанот ҳимоячиси Жюль Кунде «Арсенал»нинг таркибни кучайтириш учун тузилган рўйхатида етакчилик қилмоқда.

Инсайдер Экрем Конурнинг хабар беришича, «Арсенал» 27 ёшли Кунденинг эҳтимолий трансферини муҳокама қилиш учун «Барселона» билан боғланган. «Топчилар» ўнг қанот ҳимоячиси излашмоқда ва Кунде уларнинг қисқа рўйхатидаги (шорт-лист) асосий номзод бўлиб турибди.

Манба берган маълумотларга кўра, «Барселона» ўз футболчиси учун 58,5 миллион евро талаб қилмоқда. Шунингдек, франциялик ҳимоячининг каталонияликлар клубидаги йиллик маоши 12 миллион евродан кўпроқни ташкил қилиши маълум.

2025/26 йилги мавсумда Кунде барча турнирларда 47 та ўйин ўтказиб, 3 та гол урди ва 4 та голли узатмани ўз ҳисобига ёздириб қўйди.