"Барселона" ҳужумчиси Лионель Мессининг отаси Хорхе Месси клуб раҳбарияти билан музокараларни давом эттирмоқда. У ўғлининг тақдирини имкон қадар тезроқ ҳал қилмоқчи. Музокараларда клуб президенти Жоан Лапорта шахсан иштирок этади.
Onda Cero хабарига кўра, томонлар аргентиналик ҳужумчининг келажаги борасида келиша олмаяптилар. "Барселона" ўз таклифини аниқ баён қила олмаяпти. Леонинг клуб билан шартномаси шу йилнинг июн ойида ўз ниҳоясига етади.
Эслатиб ўтамиз, аввалроқ Месси "ПСЖ" ёки "Манчестер Сити"га ўтиши мумкинлиги ҳақида хабар берилган эди.