«Ривер Плейт» клуби Либертадорес Кубоги гуруҳ босқичи доирасида «Санта-Фе»га қарши ўйинда 2:1 ҳисобида ғалаба қозонди.

«Ривер Плейт» жамоада коронавирус тарқалгани боис Буэнос-Айрес шаҳри жамоаси ўйин қайдномасига фақат 11 нафар футболчини кирита олди ва захира ўйинчиларисиз ҳаракат қилди. COVID-19 сабаб «Плейт»нинг 20 футболчиси ўйинда иштирок эта олмади.

Шунингдек, қайдномада дарвозабон йўқлиги боис жамоанинг 35 ёшли ярим ҳимоячиси Энсо Перес дарвозани қўриқлади ва битта гол ўтказиб юборди.

«Ривер Плейт» 5-турдан кейин 9 очко тўплаган ҳолда гуруҳда пешқадам бўлиб турибди.

Либертадорес кубоги, 5-тур баҳси
«Ривер Плейт» Аргентина — «Санта-Фе» Колумбия 2:1
Голлар: 1:0 – 3 Анхилери, 2:0 – 6 Альварес, 2:1 – 73 Осорио.
«Ривер Плейт»: Перес, Леканда, Каско, Майдана, Мартинес, Парадела, Анхилери, Карраскал, Пеня, Фонтана, Альварес.
«Санта-Фе»: Кастелянос, Моралес, Паласиос, Торихано, Поррас, Пико, Хиралдо (Карденас, 61; Оливерос, 86), Веласкес (Вальдес, 46), Гонсалес (Осорио, 46), Арьяс, Рамос (Маккормик, 86).
Огоҳлантиришлар: Хиралдо (60), Рамос (64), Моралес (83).