"Барселона" Испания чемпионатининг 38-тури доирасида сафарда "Эйбар" клубига қарши майдонга тушади. "Кўк-анорранглилар" бош мураббийи Роналд Куман мазкур ўйин учун қайдномага 23 футболчини киритди.
Жамоа сардори Лионель Месси кенгайтирилган таркибдан ўрин олмади. Бунинг сабаби ҳозирча маълум қилинмади. Мазкур баҳс "Барса" учун ҳеч қандай аҳамиятга эга бўлмагани учун мураббийлар штаби унга дам беришга қарор қилган бўлиши мумкин. Шунингдек, Клемен Лангле, Серхи Роберто ва Педри ҳам бугунги учрашувни ўтказиб юборади.
Марк-Андре тер Штеген эса куни кеча жарроҳлик столига ётгани учун "Барселона"га ёрдам бера олмайди. Фелиппе Коутиньо ва Ансу Фати лазаретда қолишмоқда.
«Барселона»нинг «Эйбар»га қарши ўйин учун кенгайтирилган таркиби:
Дарвозабонлар: Нето, Иньяки Пенья, Арнау Теньяс;
Ҳимоячилар: Сержиньо Дест, Жерар Пике, Роналд Араухо, Жорди Альба, Самуэль Умтити, Хуниор Фирпо, Оскар Мингеса;
Ярим ҳимоячилар: Серхио Бускетс, Миралем Пьянич, Рики Пуч, Френки Де Йонг, Алейш Мориба, Матеус, Конрад де ла Фуэнте
Ҳужумчилар: Антуан Гризманн, Усмон Дембеле, Франсишку Тринкау, Мартин Брэйтуэйт.
