«Манчестер Юнайтед» собиқ устози Алекс Фергюсон 2010/11 йилги Чемпионлар Лигаси финалини эслади.
Унда жамоа «Барселона» га 1:3 ҳисобида ютказган эди. Фергюсон ушбу жангда қандай хато қилганини айтди.
«Мен ўшанда аламли ютқазганман. Танаффусда алмаштиришни амалга ошириб, Парк Чи Сунни Мессига бириктиришим керак эди.
Бироқ негадир бу ишни қилмадим. Мен буни амалга оширмоқчи эдим, лекин кейин ўзимга ўзим бошқача хаёлларда бўлдим.
Танаффусгача ҳисобни тенглаштирганимизни ҳисобга олиб улар ўйинга бошқача қарашлари мумкин деб ўйладим, биз бундан ҳам яхшироқ ўйнашимизга кўзим етди ва Парк варианти четга сурилди.
Аммо шундан сўнг бари тескари кетди. Мессини тўхтатиб бўлмай қолди. Лекин агар Парк Чи Сун Мессига қарши ўйнаганида, мен уларни мағлуб этган бўлар эдим", - дейди Фергюсон.
