Франция чемпионатининг сўнгги туридан ўрин олган учрашувлар 23 май, якшанба куни бўлиб ўтди.

«ПСЖ» сафарда «Брест»га қарши ўйнади. 37-дақиқада мезбонлар вакили Ромен Февр ўз дарвозасини ишғол қилиб қўйган бўлса, иккинчи бўлимда Килиан Мбаппе парижликларнинг иккинчи голини урди.

Бироқ бу ғалаба чемпионлик учун етарли бўлмади. Сабаби «Лилль» «Анже» майдонида ғалаба қозонган ҳолда бир очко фарқ билан «ПСЖ»ни ортда қолдирди ва Франция чемпионига айланди.

«Лион» муҳим ўйинда «Ницца»га имкониятни бой бериб қўйди ва учинчи ўринга кўтарилиб олиш имкониятини йўққа чиқарди.

Шу тариқа «Лилль», «ПСЖ» ва «Монако» 2021/22 йилги мавсумда Чемпионлар Лигаси ўйнайдиган бўлди. «Лион» ва «Марсель» Европа Лигасида, «Ренн» эса Конференциялар кубогида иштирок этади.

Лига 1, 38-тур баҳслари
23 май, якшанба

«Брест» — «ПСЖ» 0:2
Голлар: 0:1 – 37, автогол Февр, 0:2 – 71 Мбаппе.

«Анже» — «Лилль» 1:2
Голлар: 0:1 – 10 Дэвид, 0:2 – 45, пенальти Йилмаз, 1:2 – 90+2 Фюлжени.

«Ланс» — «Монако» 0:0

«Лион» — «Ницца» 2:3
Голлар: 1:0 – 14 Токо-Экамби, 1:1 – 27 Дольберг, 2:1 – 40 Токо-Экамби, 2:2 – 50 Камара, 2:3 – 57 Салиба.

«Мец» — «Марсель» 1:1
Гол: 1:0 – 90+7, пенальти Булая, 1:1 – 90+14, пенальти Милик.