Fransiya chempionatining so‘nggi turidan o‘rin olgan uchrashuvlar 23 may, yakshanba kuni bo‘lib o‘tdi.

«PSJ» safarda «Brest»ga qarshi o‘ynadi. 37-daqiqada mezbonlar vakili Romen Fevr o‘z darvozasini ishg‘ol qilib qo‘ygan bo‘lsa, ikkinchi bo‘limda Kilian Mbappe parijliklarning ikkinchi golini urdi.

Biroq bu g‘alaba chempionlik uchun yetarli bo‘lmadi. Sababi «Lill» «Anje» maydonida g‘alaba qozongan holda bir ochko farq bilan «PSJ»ni ortda qoldirdi va Fransiya chempioniga aylandi.

«Lion» muhim o‘yinda «Nissa»ga imkoniyatni boy berib qo‘ydi va uchinchi o‘ringa ko‘tarilib olish imkoniyatini yo‘qqa chiqardi.

Shu tariqa «Lill», «PSJ» va «Monako» 2021/22 yilgi mavsumda Chempionlar Ligasi o‘ynaydigan bo‘ldi. «Lion» va «Marsel» Yevropa Ligasida, «Renn» esa Konferensiyalar kubogida ishtirok etadi.

Liga 1, 38-tur bahslari
23 may, yakshanba

«Brest» — «PSJ» 0:2
Gollar: 0:1 – 37, avtogol Fevr, 0:2 – 71 Mbappe.

«Anje» — «Lill» 1:2
Gollar: 0:1 – 10 Devid, 0:2 – 45, penalti Yilmaz, 1:2 – 90+2 Fyuljeni.

«Lans» — «Monako» 0:0

«Lion» — «Nissa» 2:3
Gollar: 1:0 – 14 Toko-Ekambi, 1:1 – 27 Dolberg, 2:1 – 40 Toko-Ekambi, 2:2 – 50 Kamara, 2:3 – 57 Saliba.

«Mes» — «Marsel» 1:1
Gol: 1:0 – 90+7, penalti Bulaya, 1:1 – 90+14, penalti Milik.