«Арсенал» бош мураббийи Арсен Венгер мавсумнинг қолган қисмида жамоаси олдида турган мақсад ва вазифалар ҳақида сўзлаб берди.

«Англия Кубоги мусобақаси менга ёқади. Бу юқори савияли турнир бўлиб, ҳар доим унда ғолиб чиқишга ҳаракат қиламан. Мусобақада тўрт бора ғолиб чиққанман. Бир марта финалда мағлубиятга учраб, яна бир неча марта ярим финалда қолиб кетганман». 

«Табиийки, ўзимиз иштирок етаётган ҳар бир турнирда имкон қадар узоқроққа боришга ҳаракат қиламиз. Жумладан, Англия Кубогида ҳам. Премьер-лигада олдимизга қўйган мақсадларимизга тўхталадиган бўлсам, ушбу мавсумда юқори тўртликдан жой олмоқчимиз. Балки кимлар учундир бу етарли эмасдек туюлар, аммо Англия чемпионатида тўртликка кириш, жамоанинг савияси юқори эканлигини кўрсатади», — дея унинг сўзларидан Sky Sports иқтибос келтиряпти.

Маълумот учун, «Арсенал» айни вақтда премьер-лигада «Челси»дан беш очко ортда қолган ҳолда бешинчи ўринда бормоқда.