«Реал» дарвозабони Андрей Лунин бир кун олдин жамоа бош мураббийлгини тарк этган Зинедин Зидан билан хайрлашди.
«Раҳмат, мистер, бу йил учун. Афсона билан ишлаш жуда ёқимли эди, мен жуда кўп билимларга эга бўлдим. Маслаҳатлар учун ташаккур. Ҳаётингиз ва фаолоиятингизнинг кейинги босқичида омад тилайман», деб ёзган Лунин ўз инстаграмида.
Эслатиб ўтамиз, Зидан «Реал»ни 2019 йил мартидан бери бошқариб келмоқда эди. Бунгача у 2016 йилдан 2018 йилгача «қаймоқранглилар» бош мураббийи сифатида ишлаган.
48 ёшли франциялик мутахассис икки карра Испания чемпиони, уч карра Чемпионлар Лигаси ғолиби, икки карра Испания Суперкубоги ва УЕФА Суперкубоги соҳиби ҳисобланади.
Украиналик посбон ўтган мавсумда «Реал» сафида атиги 1 ўйин ўтказган.
