«Лилл» ярим ҳимоячиси Эден Азар қишги трансфер мавсуми давомида клубини ўзгартириш нияти йўқ эканлигини таъкидлаб ўтди. Шу билан биргаликда истеъдодли футболчи ўз фаолиятини келажакда Англияда давом эттирмоқчи эканини ҳам айтди. 

«Мен январда «Лилл»дан кетмоқчи эмасман. Бунинг имкони йўқ. Аввал ҳам айтиб ўтганимдек мавсумни «Лилл»да тугатмоқчиман. Чунки бизда Франция чемпиони бўлиш учун ҳали ҳам имконият мавжуд. Келажакда мен ўз фаолиятимни Англияда давом эттиришни истайман. Англия премьер-лигасидаги ўйин услуби менга мос келади».

«Умуман олганда, менга ўйини ёқадиган клублар жуда кўп. «ПСЖ»? Бу жуда яхши клуб бўлиши мумкин. Лекин мен Франция чемпионатида қолмоқчи эмасман», — деди 21 ёшли белдгиялик футболчи француз журналистлари билан суҳбатда.