Бирлашган Араб Амирликларининг Дубай шаҳрида бокс бўйича Осиё чемпионати якунига етди. Унда эркаклар ва аёллар 10тадан вазн тоифасида иштирок этишди. Тўлиқ таркиб турнирда қатнашган ўзбекистонлик боксчиларнинг 18 нафари медални қўлга киритишди. Фақат икки нафар қизимиз мусобақа ярим финалигача етиб кела олмади.

Ўзбекистон эркаклар жамоаси 6та медаль, битта кумуш ва 3та бронза медаллари билан умумжамоа ҳисобида биринчи ўринни қўлга киритди. Нодиржон Мирзаҳмедов, Шаҳобиддин Зоиров, Бобо-Усмон Батуров, Саиджамшид Жаъфаров, Дилшодбек Рўзметов ва Баҳодир Жалолов қитъада тенгсиз эканликларини исботлашди.

Қозоғистон эса аёллар мусобақасида 8та олтин медаль билан умумжамоа ҳисобида биринчи ўринни банд этганди. Бу уларга умумий медаллар сони бўйича пешқадамликни ўзларида сақлаб қолишга ёрдам берди.

Эркаклар ўртасидаги мусобақа медаллар ҳисоби:

1. Ўзбекистон — 6-1-3
2. Мўғулистон — 3-0-2
3. Ҳиндистон — 1-2-2
4. Қозоғистон — 0-5-1
5. Эрон — 0-2-2
6. Қирғизистон — 0-0-4
7. Филиппин — 0-0-3
8. Тожикистон — 0-0-2
9. Кувайт — 0-0-1.

Умумий медаллар ҳисоби:

1. Қозоғистон — 8-6-2
2. Ўзбекистон — 7-6-5
3. Мўғулистон — 3-0-5
4. Ҳиндистон — 2-5-8
5. Эрон — 0-2-2
6. Индонезия — 0-1-0
7. Қирғизистон — 0-0-4
7. Тожикистон — 0-0-4
7. Филиппин — 0-0-4
10. Кувайт — 0-0-2
11. Шри-Ланка — 0-0-1
11. БАА — 0-0-1.