The Telegraph хабарига кўра, ўтган мавсумда "Фулхэм"да ижара асосида ўйнаган "Лион" футболчиси Йоаким Андерсен Лондоннинг "Арсенал" ва "Тоттенхэм" жамоаларидан бирига ўтиши мумкин. "Канонирлар" уни клуб билан шартномаси ёзда тугайдиган Давид Луизга ўринбосар сифатида кўришмоқда.
Таъкидланишича, "Тоттенхэм" Андерсен билан шартнома имзолашда етакчилик қилмоқда, аммо "шпорлар" ҳам ҳозирда жамоада бўлган ҳимоячилардан бирини сотиб юборишлари керак.
"Лион" данияликни 20 миллион еврога эвазига сотишга рози.
Андерсен ўтган мавсумда "Фулхэм" сафида АПЛнинг 29 учрашувида майдонга тушди ва 1 гол урди.
