"ПСЖ" бош мураббийи Маурисио Почеттино Париж клубидаги келажаги ҳақида ўйламоқда. Уни кўп нарсалар, хусусан, жамоа футболчиларининг савияси ташвишга солмоқда. Бу ҳақида журналист Даниэл Риоло хабар берди.
"У клубдаги ташкилий ишлардан, унинг расмийларидан, янги шартномалар имзоланган кўплаб футболчилар даражасидан норози, шунингдек, Неймарнинг жисмоний ҳолатидан хавотирда. У клубдаги тартибсизликлар ҳақида ўзига кўп саволлар беради. Почеттино "ПСЖ"да сифатли футболчилар бор деб ўйламайди", - деди Риоло.
