2023 йили юртимизда ўтадиган U20 Осиё кубогига тайёргарлик кўраётган Ўзбекистон U18 терма жамоаси Африка қитъасида ўтадиган халқаро турнирда иштирок этади.

Ўзбекистонлик ёшлар Миср Араб Республикасида 20 июндан 6 июлга қадар ташкил этиладиган “Arab Cup U-20” мусобақасида қатнашади.

Бош мураббий Илдар Магдеев қўл остидаги мазкур терма жамоа аъзолари «D» гуруҳида Тунис, Саудия Арабистони ва Яман вакиллари билан ўзаро баҳс олиб боради. Гуруҳда юқори икки ўринни эгаллаган жамоалар чорак финал йўлланмасига эга чиқади.

“Arab Cup U-20” халқаро турнири

«D» гуруҳи

21 июнь. 22.00
Саудия Арабистони – Ўзбекистон

24 июнь. 19.00.
Ўзбекистон – Тунис

27 июнь. 22.00.
Ўзбекистон – Яман

Миср сафари олдидан U18 терма жамоамиз Тошкентда бир ҳафталик ўқув-машғулот йиғини ўтказади ва 19 июнь санасида Қоҳира шаҳрига йўл олади.

Мураббийлар штаби “Arab Cup U-20” халқаро турнири олдидан ташкил этиладиган йиғинга 32 нафар футболчини жалб этган.