«Бавария» вингери Кингсли Команнинг келажаги ноаниқлигича қолмоқда.
Sport1 журналисти Флориан Плеттенбергнинг сўзларига кўра, футболчига «Манчестер Юнайтед» қизиқиш билдирмоқда, аммо у Жейдон Санчо трансфери амалга ошмай қолган тақдирдагина муқобил вариант ҳисобланади.
Команнинг ўзи «Бавария» билан шартномани узайтиришга қарши эмас, аммо унинг агентлари бундай қарорга қарши. «Бавария»нинг янги мураббийи Юлиан Нагелсманн футболчини жамоада олиб қолишни истайди.
Ўтган мавсумда Коман 39 ўйинда 8 гол уриб, 12 та голли пас берди.