Кеча Италия терма жамоаси Туркияни янчиб ташлаган оқшом «скуадра адзурра» ҳужумчиси Чиро Иммобили учрашувнинг энг яхши футболчилардан бири сифатида қайд этилди.

У ўйин давомида энг кўп балл ишлаб олишга муваффақ бўлди - 8.57. Буни қайд этиш учун Чиро бир гол ва шунча ассистни ўз ҳисобига ёздириб қўйган.

Қизиқарли томони, унинг ўз уй стадиони - «Олимпико»да эришаётган натижалари таҳсинга сазовор. Иммобили бу ерда 2019 йилдан бери жами 45 та учрашув ўтказган ва уларда 38 маротаба рақиблари дарвозасини ишғол этган. Бу шунчаки ажойиб кўрсаткич. Бундан ташқари итальян ўзи қатнашган сўнгги 5 та ўйинннинг 4 тасида гол урди.

Иммобили учун уйдан яхшироқ жой йўқ!