"Барселона" ёзги трансферлар ойнаси вақтида ҳимоячи Самуэль Умтитини сотмоқчи.
Marca хабарига кўра, Каталония клуби француз футболчиси ортидан 5-10 миллион евро атрофида пул ишлаб олишни мақсад қилгган. Маълумотларга кўра Умтити "Барса"да қолишни хоҳлайди, аммо Каталония клуби раҳбарияти унинг фикрига қизиқиб кўрмайди ҳам.
Бир неча кун олдин "Барселона" жамоаси вакиллари Умтитига кетиши кераклигини айтди, чунки на клуб ва на мураббий Рональд Куман, французни жамоага керакли ўйинчи деб ҳисобламайди. Самуэль жароҳатлар ва ёмон спорт формаси туфайли кам ўйнади ва "Барселона"нинг энг кўп маош оладиган футболчилар саккизталигига киради.
2016 йил ёзида Умтити "Лион"дан "Барса"га 25 миллион евро эвазига кўчиб ўтганди.
Футболчи ўтган мавсумда Ла Лигада 13 учрашув ўтказган.
