Дарвозабон Жанлуижи Буффон келажакдаги режалари ҳақида гапирди.
"Фаолиятимни давом эттириш, ёки тўхтатиш бўйича қарор қабул қилиш учун икки ҳафта вақт кетди. Ҳеч бўлмаганда яна бир йил ўйнашни давом эттиришга қарор қилдим.
Менда Чемпионлар Лигасида ўйнайдиган жамоалардан яхши таклифлар бор, аммо ёрдамчи футболчи сифатида Чемпионлар Лигасида ғолиб чиқиш имкониятидан воз кечдим. Мен буни "Ювентус"да аллақачон бошдан кечирганман. Менда собиқ жамоамга қайтиш имконияти бор, мен буни кўриб чиқаяпман.
Якуний қарорни 2-3 кун ичида қабул қиламан. Мен ҳамма нарсани тарозида тортмоқчиман", дейди кипер
Олдинроқ Буффон "Парма" билан икки йиллик шартнома имзолаши ҳақида хабар берилганди.
