Колумбиялик машҳур ҳужумчи Радамел Фалкаонинг коронавирус билан касаллангани маълум бўлди.
Таниқли форвард ковид учун тестга мусбат натижа кўрсатди. Бу ҳақда Туркиянинг «Галатасарай» клуби матбуот хизмати хабар берди.
Сўнгги мавсумда Радамел тўққизта гол уришга муваффақ бўлган. Шунингдек, у иккита голли узатмани амалга оширди.
Фалкао энди 35 ёшда. Ўз вақтида у «Монако», «Челси», «Манчестер Юнайтед», «Порту», «Атлетико» ва «Ривер Плейт» жамоаларида ўйнаган.