Дортмунднинг "Боруссия" клуби ҳужумчиси Эрлинг Ҳоланд фаолиятини "Челси"да давом эттириши мумкин.

Журналист Экрем Конурнинг сўзларига кўра лондонликлар норвегияликнинг трансфери бўйича немис клубига биринчи таклифни билдиришган. Улар шартномага форварди Тимми Абраҳамни киритишга ва 70 миллион евро тўлашга тайёр.

Ҳоланд "Боруссия"да 2020 йил январидан бери ўйнаб келмоқда, унинг шартномаси 2024 йил июнь охиригача амал қилади.

Ўтган мавсумда 20 ёшли футболчи 41та ўйин ўтказиб, 41та гол урган ва 12та голли узатмани амалга оширган.

Олдинроқ Ҳоланднинг агенти Мино Райола футболчини бошқа клубга ўтказиш устида иш олиб бораётгани ҳақида хабар берилган эди.